elmoirfan علم و عرفان
اسلام علیگم

Welcome to the ELMOIRFAN FORUM

You are currently viewing our boards as a guest with limited access to view most discussions and access our other features. By joining our free community Registration is fast and simple!

If you have any problems with the registration process or your account login, please contact on sss_khani@yahoo.com.
become an active part of www.elmoirfan.englishboard.net now!
Regards
Forum Admin
elmoirfan علم و عرفان

علم و عرفان
 
HomeFAQSearchMemberlistUsergroupsRegisterLog in

Share | 
 

 د کمپیوټر ډولونه

View previous topic View next topic Go down 
AuthorMessage
shazia_rafiqi
Senior Member
Senior Member
avatar

Posts : 272
Points - امتياز : 599
Thanked - ووټ : 11
Join date : 2010-01-24

PostSubject: د کمپیوټر ډولونه   Wed Oct 27, 2010 2:19 am

د کمپیوټر ډولونه


2008-05-26 09:10:19Types of Computerکولای شو چې کمپيوټرونه د ځينو ټکو له په پام کې نيولو سره په ډولونو وويشو.د معلوماتو د پراسس له مخې کمپيوټرونه په لاندې دريو ټولګيو ويشل شوي دي.
رقمي کمپيوټرونه(Digital Computer):
دا هغه کمپيوټرونه دي چې دتورو او اعدادو په مټ کار کوي او په ټوليزه توګه د ګټې اخيستو وړ دي.په دې ډول کمپيوټرونو کې بايد ټول کميتونه د (Digit)په توګه څرګند شي.کمپيوټر ته لمړني ورکړل شوي معلومات د تورو اعدادو او نښو څخه تشکېل شوي او هغه پايله چې د کمپيوټر په مټ ښودل کېږي هغه هم د تورو او اعدادو په بڼه وي او له همدې ډول کمپيوټرونو څخه ډيره ګټه اخيستل کېږي. د رقمي کمپيوټرونو پايله د قياسي کمپيوټرونو په پرتله دډېر دقت لرونکې وي.
قياسي کمپيوټرونه(Analog Computers):
دا هغه کمپيوټرونه دي چې دنښو (Signal)په واسطه کار کوي.دا کمپيوټرونه د رقمي کمپيوټرونو بر خلاف توري او اعداد نه پيژني مګر په يوه ټاکلي دقت سره کميتونه اندازه کوي.ددې ډول کمپيوټرو استعمال محدود دی او په ځانګړو برخو کې لکه د بريښنا د ولتاژ اندازه کول،چټکتيا،تودوالي،لوړوالي،د تيلو حرکت،د زاويو دوران ،د انرژۍ د سرچېنو موندل او په نورو ځانګړو برخو کې ترې ګټه اخيستل کېږي.له شک پرته دا کمپيوټرونه ډيرې مهمې چارې سرته رسوي مګر ګټه اخيستل ترې محدود دي.څنګه چې داډول کمپيوټرونه د مقاديرو پرتله او اندازه کول په عين عمليه کې سرته رسوي نو دهمدې لپاره ساتنځي ته اړتيا نه لري.
ددي ډول کمپيوټرونو چټکتيا د رقمي کمپيوټرونو په پرتله ډيره خو ځيرتيا يې نسبتا لږ ده.
ترکېبي کمپيوټرونه(Hybrid Computers):
دا ډول کمپيوټرونه د دوو پورته ياد شوو ډولونو د ځانګړتياؤ لرونکې دي له همدې کبله د هايبريد يا ترکېبي کمپيوټرونو په نامه ياديږي.داډول کمپيوټرونه کولای شي چې رقمي او يا قياسي لومړني معلومات ومني.چټکتيا يې د قياسي او ځيرتيا يې د رقمي کمپيوټرونو په څير دي.
په ډيرو ځانګړو برخو لکه د هوايې دفاع سيستم،د طبي لابراتوارونو وسايلو اوپه داسې نورو برخو کې چې هلته د لومړنيو معلوماتو د دواړو ډولونو اندازه کول اړين وي د ګټې وړ ګرځي.کمپيوټرونه د چارو دسرته رسولو د چټکتيا او قدرت له مخې په لاندې څلورو ډولونو ويشل شوي دي:
لوی کمپيوټرونه(Super Computers):
له چټکو کمپيوټرونه څخه دي چې په يوه ثانيه کې د ميلونونو چارو په سرته رسولو لاس بري دي.په پوهنيزو، څيړنيزو او نظامي پروژو کې د ګټې اخيستو وړ دي.دې ډول کمپيوټرونو د کمپيوټر په صنعت کې د لويو هيوادونو دسيالۍ لپاره شونتياوې منځ ته راوړې. ددې کمپيوټرونو قيمت ډير د قوي او يا له يوه څخه د زياتو پراسسورونو لرونکی وي.
Mainframeکمپيوټرونه:
دا کمپيوټرونه اصلاً په کمپيوټري شبکو کې د ګټې اخيستو وړ ګرځي.په دې سيستم کې د Timesharingپه نامه د يوه تخنيک په مټ کېدای شي چې څو کارنه (Users)له کمپيوټر سره د ليکمن او يا مانيتور له لارې په يوه وخت کې وصل شي.له دې ډول کمپيوټرونو څخه لوی شرکتونه او دولتي يا غير دولتي ادارې کار اخلي.ددې ډول کمپيوټرونو قيمت ډير او په لږ وخت کې دDataد لويو کمياتو په پروسس کولو لاس بری دی.
کوچني کمپيوټرونه(Mini Computers ):
د معلوماتو د ساتلو د وړتيا او چټکتيا په برخو کې له Mainکمپيوټرونو وروسته دا قوي کمپيوټرونه دي چې نسبتاً د کوچنيو شرکتونو لخوا ترې ګټه اخيستل کېږي.د چارو په سرته رسولو کې د قدرت او چټکتيا له په پام کې نيولو سره په منځني حد کې ځای لري.
مايکرو کمپيوټرونه(Micro Computers):
دا کمپيوټرونه چې د ځاني کمپيوټرونو په نامه هم ياديږي د معمولي دود وړ کمپيوټرونوله ډول څخه دي.په ټوليزه توګه کېدای شي چې دا ډول کمپيوټرونه په دوو لاندې بڼو وموندل شي.
الف :د ميز دسر کمپيوټرونه(Desktop Computers):
دا ډول کمپيوټرونه د ميز په سر ايښودل کېږي او د لاندې بيلا بيلو برخو لرونکي دي:
دسيستم برخه(System Unit):پراسسور،ساتنځی ،اصلي دړه،درايوونه،پورټونه او د کمپيوټر نورې پرزې د سيستم په برخه کې ځای په ځای شوي دي.
د ښودنې پاڼه(Monitor)
ليکمن(Keyboard)
موږک(Mouse)
ب:د ليږدولو وړ کمپيوټرونه(Portable Computers):
دا ډول کمپيوټرونه د کوچني حجم لرونکي دي او ديوه لاسي بکس په څير او حتي له هغه څخه هم اسانه کېدای شي چه په جيب کې يوړل شي.د پلن سکرين (Flat Screen)لرونکي دي او دبطرۍ په مرسته انرژي اخلي.
ددې ډول کمپيوټرونو مشهورې بيلګې دادي:
Laptop کمپيوټرونه:
د يوه لاسي بکس په څير کوچني کمپيوټرونه دي چې تاسو کولای شۍ د ګونډو د پاسه کېږدۍ او کار پرې وکړۍ.له همدې امله د Laptopپه نامه ياديږي.داډول کمپيوټرونه له يوې بطرۍ څخه ګټه اخلي چې د بريښنا له تللو وروسته بيا هم تر يوه مهاله کار کوي.
لاسي کمپيوټرونه(Handheld Computers):
کوچني کمپيوټرونه دي چې کولای شو د يوه لاس پواسطه هغه ونيسو او په بل لاس پرې کار وکړو له جيب څخه د هغه په وړلواو راوړلو کې ګټه اخيستي شو.د کليزې،ديادښت کتابچه ،اطلاعاتي بانګ،اود حساب د ماشين په توګه د چارو د سرته رسولو لپاره او همداسې په نورو برخو کې کولای شو چې ترې ګټه واخلو.دا ډول کمپيوټرونه د ښودنې له کوچنۍ پاڼې او کوچني ليکمن څخه ګټه اخلي.ډير له دې ډول کمپيوټرونو څخه د ليکمن او موږک په ځاي له يوه قلم او اشاره کوونکې دستګاه څخه کار اخلي.پروګرامونه يې معمولاُ په ROMکې ساتل شوي وي.دPalmtop او PDA(Personal Digital Assistant) په نامه هم ياديږي.
نوټ:لکه څرنګه چې هر کمپيوټر کېدای شي له يوه ځاي څخه بل ځاي ته وليږدول شي،له همدې امله ددې ډول کمپيوټرونو لپاره د ليږدولو وړ اصطلاح نسبي ده.
Back to top Go down
 
د کمپیوټر ډولونه
View previous topic View next topic Back to top 
Page 1 of 1

Permissions in this forum:You cannot reply to topics in this forum
elmoirfan علم و عرفان :: علم و عرفان :: Info Tech - کمیوټر-
Jump to: